2023ல் தரமான சேவையை சமுர்த்தி வங்கி வழங்கும் - பணிப்பாளர்நாயகம்

 2023ல் தரமான சேவையை சமுர்த்தி வங்கி வழங்கும் - பணிப்பாளர்நாயகம் .....

சமுர்த்தி வங்கியூடாக தரமான சேவையை அளிக்கும் வகையில் மேம்படுத்தப்படவுள்ளதாக சமுர்த்தி திணைக்களத்தின் பணிப்பாளர்நாயகம்  ஆர்.பி திலகசிறி தெரிவித்துள்ளார். 

இதற்காக வரும் ஆண்டில் பல புதிய திட்டங்கள் தொடங்கப்பட்டு செழுமையை புதிய பாதையில் கொண்டு செல்தற்கு முயற்சிக்கப்படவுள்ளதாகவும் அவர் மேலும் தெரிவித்தார். 

அகில இலங்கை சமுர்த்தி வங்கி உத்தியோகத்தர் சங்கத்தின் மத்திய மாகாண பிரதிநிதிகளின்  மாநாடு  (02) அன்று கண்டி உதராத கலை சங்க மண்டபத்தில் சமுர்த்தி அபிவிருத்தி திணைக்களத்தின்  ஏற்பாட்டில் நடைபெற்றது.

இதில் மடவல, நுவரெலியா மற்றும் கண்டி மாவட்டங்களின் தொழிற்சங்க பிரதிநிதிகள் மற்றும் உறுப்பினர்கள் பலர் கலந்து கொண்டு தங்கள் தொழில் பிரச்சினைகளை சமுர்த்தி பணிப்பாளர் நாயகத்திடம் தெரிவித்தனர்.

இதன் பொது கருத்து தெரிவித்த பணிப்பாளர் நாயகம் அவர்கள்,  நுண் நிதி நிலையை வலுப்படுத்துவது செழுமை இயக்கத்தின் முக்கிய பணியாகும் என்று கூறினார், ஆனால் இலாபம் ஈட்டுவதல்ல, நுண் நிதி நிலையை வலுப்படுத்துவதற்கும் புத்தாண்டில் புதிய முறையில்  மக்களை அணுகவும், ஆதரவளிப்பதற்கும் புதிய திட்டங்களைத் தொடங்கப்படும் என்று கூறினார். 

புதிய பரிவர்த்தனைகளுக்காக ஒரு புதிய தொலைபேசி செயலி அமைக்கப்படும், என்றும் அடுத்த ஆண்டு வங்கி அமைப்பு திறமையாக மாற்றப்படும் என்றும் அவர் கூறினார். மேலும் கருத்த தெரிவிக்கையில் சமுர்த்தி உத்தியோகத்தர்களின்  பதவி உயர்வுகள், இடமாற்றங்கள், பணி ஓய்வில் ஓய்வூதிய பணத்தை வழங்க துரிதப்படுத்தல், தனிப்பட்ட கோப்புகளை புதுப்பித்து ஊழியர் உரிமைகளைப் பாதுகாக்க  திட்டமிடப்பட்டுள்ளதாகவும்  தெரிவித்தார்.

இதன் போது அகில இலங்கை சமுர்த்தி வங்கி பொது சங்க அலுவலக உத்தியோகத்தர் சங்கத்தின் தலைவர் இந்திரஜித் அபேசிங்கே மற்றும் செயலாளர் ஏ. ம். வீ.புஸ்நாயக்க ஆகியோர் தங்கள் கருத்தையும் முன் வைத்தனர்.