வாகரை பிரதேச செயலகத்தால் சௌபாக்கிய வாரத்திற்கான பல்வேறு வேலைத்திட்டங்கள் முன்னெடுப்பு....
சௌபாகியா வார வேலைத்திட்டங்கள் ஊடாக வாகரை பிரதேச செயலகத்தின் சமுர்த்தி பிரிவின் ஏற்பாட்டில் பல வேலைத்திட்டங்கள் முன்னெடுக்கப்பட்டன. சகல வேலைத்திட்டங்களும் பிரதேச செயலாளர் சு.ஹரன் அவர்களின் தலைமையில் நடைபெற்றது.
இதன் போது லோட்டரி வீட்டுத்திட்டத்தில் வட்டவான் கிராம பிரிவில் இரண்டு வீடுகளும், காயாங்கேணி கிராமத்தில் ஒரு வீடும், மாங்கேணி தெற்கு கிராமத்தில் ஒரு வீடுமாக நான்கு வீடுகள் சமுர்த்தி பயனாளிகளிடம் பிரதேச செயலாளர் சு.ஹரன் அவர்களின் தலைமையில் கையளிக்கப்பட்டது.
இந்நிகழ்வில் வாகரை பிரதேச செயலக் சமுர்த்தி தலைமையக முகாமையாளரும் முகாமைத்துவ பணிப்பாளருமான க.கலைவாணி அவர்களும், சமுர்த்தி கருத்திட்ட முகாமையாளர் ச.கலைவாணி அவர்களும் சமுர்த்தி உத்தியோகத்தர்களும், சமுர்த்தி பயனுகரிகளும் கலந்து கொண்டனர்.
குறிப்பு - கொவிட்-19 தொற்று அதிகரித்துவருவதால் சகலரும் சுகாதார சட்டதிட்டங்களை நாளாந்தம் கடைப்பிடித்து செயற்படுமாறு அனைவரையும் அன்புடன் கேட்டுக் கொள்கின்றோம்....
Comments
Post a Comment