மட்டக்களப்பு கல்லடி உப்போடை ராமகிருஷ்ண மிஷன் அறநெறிப் பாடசாலை வைரவிழா ..................
மட்டக்களப்பு, கல்லடி உப்போடை ராமகிருஷ்ண மிஷன் அறநெறிப் பாடசாலை வைரவிழா 60-வது ஆண்டு நிறைவு விழா சுவாமி விபுலானந்த ஞாபகார்த்த மணி மண்டபத்தில் (24) அன்று நடை பெற்றது.
1963ம் ஆண்டு ஆரம்பிக்கப்பட்ட மட்டக்களப்பு கல்லடி உப்போடை ராமகிருஷ்ண மிஷன் அறநெறிப் பாடசாலை 2023ம் ஆண்டு தமது வைரவிழாவை கொண்டாடினாலும் அதை நினைவு கூறும் முகமாக இன்றைய தினம் இந்நிகழ்வு நடாத்தப்பட்டது குறிப்பிடத்தக்க விடயமாகும்.
இந்நிகழ்வில் இந்தியா தஞ்சாவூர் ராமகிருஷ்ண மடத் தலைவர் ஸ்ரீமத் விமூர்த்தானந்தஜீ மகாராஜ் பிரதம விருந்தினராக கலந்து கொண்டு சிறப்பித்தார். அறநெறிப்படசாலை மாணவர்களின் பஜனையோடு நிகழ்வுகள் ஆரம்பமாகின அதனைத்தொடர்ந்து ஆரத்தி, இறைவணக்கம் என்பன இடம் பெற்றன.
ஆசியுரையை ராமகிருஷ்ண மிஷன் கொழும்பு கிளைத்தலைவர் ஸ்ரீமத் சுவாமி அக்ஷராத்மானந்தஜி மகாராஜ் வழங்கினார். பிரதம விருந்தினர் உரையை ஸ்ரீமத் விமூர்த்தானந்தஜீ மகாராஜ் நிகழ்த்தி இருந்தார். அதனைத்தொடர்ந்து மாணவர்களின் கலை நிகழ்வுகள், பரிசளிப்பு நிகழ்வுகளும் இடம் பெற்றன.
நிகழ்வுக்கு பெற்றோர்கள், ஆசிரியர்கள், பிரதேச வாழ் பொதுமக்கள் ஆகியோர் கலந்து கொண்டு சிறப்பித்தனர்.
Comments
Post a Comment